ILUSTRACIÓN Y FOTOGRAFÍA: GORPUTZAK LURRALDEAN

Maiatzaren 23an, ostegunean, Sormen Errebelde Feministaren bigarren topaketa egin genuen Maite Mentxaka Tena artista, sortzaile, ilustratzaile eta hiri-espazioen esploratzailearekin. Ilustrazio- eta argazkigintza-teknika desberdinekin esperimentatu  genuen, gure potentzial sortzaile eta eraldatzaile askatzen lagun diezaguketen trikimailu sinpleekin.

2024ko topaketen ziklo honekin jarraituko dugu, gure gorputzak eta lurraldeak hainbat artetatik aztertuz, jolasteko eta esperimentatzeko aukera izan dezagun. Adi egon gure sareei!

Imagen noticia SEF 2

AUTODEFENTSA FEMINISTA TAILERRA

Apirilaren 21ean, 2024ko lehen  Autodefentsa Feminista tailer trinkoa egin genuen, Deustuko PARE talde feministarekin lankidetzan eta Deustuko Erriberako bizilagunen laguntzarekin, beste behin ere Bizinahi berreskuratutako espazioan hartu gintuztelako.

Eskerrik asko hori posible egin zenuten guztiei eta zuen sororitatea eta jakinduria partekatuz parte hartu zenuten emakumeoi.

Gora Autodefentsa Feminista!

taller abril 1

CUERPO Y MOVIMIENTO: LEHENENGO LURRALDEA

Martxoaren 21ean, ostegunean Sormen Errebelde Feministaren topaketei hasiera eman genien Itziar Arroyorekin, ibilbide luzeko dantzaria. Topaketa espazio segurua bihurtu zen, non mugimenduak, sentsazioak eta bizipenak partekatu ahal izan genituen askatasunetik eta plazer hutsetik.

2024ko topaketen ziklo honekin jarraitzeko, gure gorputzak eta lurraldeak hainbat artetatik aztertuko ditugu, jolasteko, esperimentatzeko eta gure energia sortzailea askatzeko. Adi gure sareei!

image1

MODULUA ERE DEUSTUKO JAIETAN

Martxoaren 23an, larunbata, Deustuko jaietan izan ginen aurreko urteetan bezala, indarkeria matxistarik gabeko jai gozagarri batzuen alde.

Bertan 300 kondoi eta “ Bizitza askeak  eta indarkeriarik gabeak” bizitzeko 300 txartel banatu genituen, eta Modulua ezagutzera eman genuen, jendeak jakin dezan gure ateak zabalik daudela.

Jaiak gozatu, ondo pasa ta gutxi gastau!

Foto jaiak Deusto

“SORMEN ERREBELDE FEMINISTA”

Indarkeria matxistarik gabeko bizitzak bizitzeko ezinbestekoak diren hiru hitz horiekin, 16 urtetik gorako emakumeentzako* sormenaren inguruko lau topaketako ziklo bat jarri dugu abian.

Modulutik egiten dizuegun proposamena topaketarena eta adierazkortasunarena da. Izan ere, etorkizunean indarkeria matxistarik gabeko bizitzak zer izan litekeen imajinatzeaz gain, badakigu gaur egun espazio seguruetan elkartzearen bidez askatasunez adierazteko bizipena praktikan jar daitekeela.

Lehenengo topaketa Itziar Arroyo Puentek gidatuko du eta gure lehen lurraldeari buruz arituko da, gorputzari buruz, eta mugimendua erabiliko du topagune adierazkor gisa. Topaketa honetarako plaza guztiak egokituta ditugu jada. Topaketa maiatzaren 23an izango da, eta Maite Mentxaka Tenarekin elkartuko gara, ilustrazioaren eta argazkigintzaren bidez lurraldeetako gorputzak aztertzeko. Hitzen bitartez gure bizipenetarako sarrera Celeste Aguerorekin irailaren 26an eta, azkenik, azaroaren 21ean, Ines Bermejorekin batera, bizi izan ditugun errealitateak berreraikiko ditugu.

Hurrengo estekaren bidez jakinarazi ahal diguzue hurrengo topaketetara joan nahi baduzue, eta aurrerago bidaliko dizuegu informazioa, izena eman dezazuen. Horrela, indarkeria matxistaren aurkako tresnarik indartsuena praktikan jartzen jarraitzen dugu: “Indarkeria matxistarik gabeko auzoetarako emakumeen sareak sortzea”. Sanin ikusiko dugu elkar.

 

sormen orokorra