TAILERRAK eta HITZALDIAK “Maskulinitatea, berdintasuna eta sexismoa”:
Hilabetero, urtarrilatik, Zubiko Elkartean (Deustu, Bilbo) bi tailer ditugu espetxean dauden gizonekin. Ibarrekolanda BHI (Bilbo), ikasleen taldearekin eta talde feministarekin elkarlanean hilabetero.
Otsaila: San Inazioko Berritzegunen (Bilbo), beraien ikastetxetan heziketaz arduratzen diren irakasleentzat tailer bat.
Martxoa: Basauriko HHIn (Bizkaia), ikasleentzat bi tailer; Elorrieta LHIIn (Bilbo), guztira 8 tailer ikasleentza, San Inazioko auzo elkarteak antolatu duen jardunaldian parte hartu.
ARGAZKI ERAKUSKETA “maskulinitate berriak eta berdintasuna”:
Urtarrila: Tolosako udalarako (Gipuzkoa), Elorrieta LHIIn (Bilbo).
Otsaila: Noainen (Nafarroa) energia berriztagarri zentrua eta Elortzibar BHIn; Arrasateko HHIn (Gipuzkoa).
Martxoa: Eibarreko eta Bergarako HHIn (Gipuzkoa), Basauriko HHIn (Bizkaia), Zubiko Elkartean (Bilbao), San Inazioko (Bilbo) kalean auzo elkarte batek antolatu duen ekitaldi batean.
Urria eta abendua bitartean, eta kasu batzuetan Piper Txuriak elkartearekin batera, tailer ugari eta beste jarduera-mota batzuk egiten ari gara, maskulinitatearen, berdintasunaren eta eta indarkeriaren prebentzioaren inguruan:
Gizonentzako bost tailer, ondoko erakundeek antolatuta: FEDEAFESek, osasun mentalaren erabiltzaileen federazioa (Gasteizen, Donostian eta Laudion), eta ZUBIKOk, zigor penalak edota kartzelarekin lotutakoak dituzten pertsonei laguntzeko elkartea (Bilbon).
Gizon gazteentzako tailer ugari eginez, BIGARREN HEZKUNTZAKO INSTITUTU eta LANBIDE HEZIKETAKO IKASTETXEETAN, Emakundek sustaturiko Berdintasun Foroaren baitan. Azaroaren 2an eta 9an, Emakunderen berdintasunaren aldeko autobusa eramango dugu ikastetxeetara.
Arrasateko HHEn, hitzaldi-solasaldia egingo dugu, “Besarkadak” lelopean, gizonen eta emakumeen artean berdintasunezko eta indarkeriarik gabeko bizikidetzarako bide bat eskaintzeko. Era berean, zentro horretan, kultura arabiar eta musulmana duten pertsonentzako tailer bat egingo dugu, espiritualitatea eta genero-berdintasuna lotuta.
Berriz kolaboratuko dugu Abanto Zierbenako Udalarekin (Bizkaia); azaroaren 25eko asteburuan, gure argazki-erakusketa eramango dugu hara, eta azaroaren 26an, igandean, haren inguruko jarduera bat dinamizatuko dugu.
Clara Campoamor elkarteak mahai-inguru batean parte hartzera gonbidatu gaitu: “Gizonak emakumeen mundura gerturatzen”, elkartearen “Berdintasunaren irudikeriak” Jardunaldien baitan, azaroaren 22an eta 23an, Bilbon.
Aurreikusita dugu, halaber, gutxienez beste bi erakunderekin ere elkarlana abiatzea, tailerrak eginez edo argazki-erakusketa eskainiz.
Emakunderekin adostu dugu Berdintasunaren Aldeko Foroan parte hartuko dugula, zeina urtero antolatzen duen. Berdintasunaren aldeko autobusa zerbitzu ematen diegun auzoetako ikastetxeetara eramaten du, eta tailerrak egiten ditu haietako bakoitzean, batxilergoko emakumezko eta gizonezko ikasleek bereizita lan egiten dutelarik.
Gure argazki-erakusketa lau ikastetxetan egon da (Lekeitio, Lauro Ikastola, Durango eta Galdakaoko HHE-etan), hala nola Elgoibarko kultur etxean eta Portugaleteko gazteriaren zentroan.
Hitzaldi-solasaldi bat egin dugu, Portugaleteko HHEk antolatuta, bai eta tailer bat ere, Bilboko Sortarazi (gizarteratzea eta lanbideratzea) elkartearen eskutik. Arrasateko lanbide-hastapeneko zentroko nerabeen prestakuntza burutu genuen, guztira 10 tailer emanda.
Otsailaren erdialdean, Ermuko gizon-talde batekin egindako ikastaroa bukatu genuen. 2016ko abenduan hasia, 9 astean garatu zen, astero 2 orduko saio-tailerra eginda. Sexismoa, Berdintasuna eta Maskulinitatea izan genituen langai. Ermuko Berdintasun Sailak antolatu zuen, eta gure kide batek eman.
Aurrera jarraitzen dugu Bilboko Ibarrekolanda auzoko bigarren hezkuntzako ikastetxearekin elkarlanean, 2016. urtearen hasieratik. Aldian-aldian, ikasleen talde feministari laguntzen diogu, eta tailer batzuk antolatzen ditugu.
Halaber, Arrasateko (Gipuzkoa) nerabeentzako hastapen profesionalerako zentroarekin elkarlanean jarraitzen dugu. Astero, tailer bat egiten dugu 10 ikasleko talde misto batekin. Guztira 10 saio dira, ikasturte osoan banatuta, eta aurtengo urtarrilean hasi zen. Hainbat gai izaten ditugu hizpide: sexualitatea, drogen kontsumoa, mendekotasunak, sexu-identitate anitzak, berdintasuna, maskulinitatea… betiere genero-ikuspegia zeharkako gaia delarik.
Aurten, eta martxoa bitartean, maskulinitate berrien eta berdintasunaren gaineko gure argazki-erakusketak Portugaleteko Gazteria Saila bisitatu edo bisitatuko du, bai eta Galdakao eta Durangoko helduentzako hezkuntza-zentroa, Elgoibarko Udala eta Lekeitioko eskola publikoa.
Horrez gain, El Correo egunkarian agertu da (hemen)
Martxoaren 8aren harira, gure kideetako bat Euskadi Irratiko Ganbara saiora gonbidatu dute, beste pertsonaren batekin batera elkarrizketa egin diezaioten.
Horrela, berdintasunaren eta sexismo ezaren aldeko gizonezko aktibisten ikuspegia ezagutu nahi dute.
Leioako EHUko Hezkuntza fakultateko ikasleek gonbidatuta, gure kideetako batek hitzaldi bat eman zuen gure esperientzia asoziatiboaren gainean, ikuspegi historikotik helduta, eta aktibismoaren baitan norberaren konpromisoaren garrantziaz mintzatu zen.
Tailerra Gizarte Hezkuntzan EHU-UPV
GURE ESKAINTZAREN BAITAKO KONTZIENTZIAZIO ETA SENTSIBILIZAZIO JARDUERAK:
Ikastaroak: hainbat hilekoak, hilabetekoak edo astebetekoak
Noizbehinkako jarduerak: hitzaldia, bideo-foruma, tertulia, argazki-erakusketa aurkezpenarekin batera…
Gizon-taldeentzako edota elkarte-erakundeetarako aholkularitza eta laguntza
*Jarduera guztiak izan daitezke mistoak edo gizonentzat baino ez
Helburuak:
Sentsibilizazio-jardueretan, genero-ikuspegiari eta gizonen baitako eraikuntza maskulino eta sexistaren ondorioei buruzko sarrera egitea.
Kontzientziazio-jardueretan, nork bere barrua berrikusteko, hausnartzeko eta kontzientziatzeko lana egitea, gizonek uler dezaten haien genero-eraikuntzak beraien sentitzeko, pentsatzeko eta jokatzeko modua baldintzatzen duela, eta euren harremanetan eragina duela.
Kasu bietan, genero-banaketa eta horrek gizonengan eragindako baldintzapenak eusten dituen gizarte-egitura identifikatzea, eta gizarte-aldaketak eragingo dituzten aldaketa pertsonalak sustatzea.
SENTSIBILIZAZIORAKO MATERIALAK:
Argazki-erakusketa:
Tresna hau baliatzen da genero-deseraikuntza gizonengan zertan datzan ulertzeko, gizon-talde hauetan egiten den lanaren aurkezpenarekin batera, ondoko izenburuarekin: “Berdintasuna eta Maskulinitate Berriak – Igualdad y Nuevas Masculinidades / 24 irudi berri jendarte berri baterako – 24 imágenes nuevas para una sociedad nueva”.
Bideoak:
Tresna honek balio du berdintasunaren aldeko eta sexismoaren kontrako gizon-taldeen ekintzak eta pentsaera ezagutzeko, eta genero-ikuspegiari ikuspegi maskulinotik heltzen hasteko.
*Erakusketa eta bideoak dohainik eskaintzen ditugu
Gazteentzako jarduerak
“Genero-banaketa eta sexismoa. Berdintasunezko eta tratu txarrik gabeko harremanetarantz”
Gure jarduerak eskaintzen dizkiegu bigarren hezkuntzako ikastetxeei eta gazteekin lan egiten duten beste erakunde batzuei, bai eta gazteen elkarteei ere. Irakasle-taldearekin lan egiteko aukera ere ematen dugu.
Jada kontzientziaturiko gizon-talde berrientzako ikastaroa
“Norbera aldatu ingurua eraldatzeko. Gizonen baldintzapenak eta haien askapena”
Ikastaro honetan, tailerrak egiten dira, astero edo hamabost egunetik behin, urtebeteko edo bi urteko epealdian, edo hainbat hilean edo hilabetean.
Nork bere eraikuntza maskulino sexista berrikustera eta horretaz auto-kontzientziatzera konprometituriko gizonen talde bat osatuko dugu, nork bere baitan zein gizartean aldaketa eragiteko xedez.
Azken helburua da taldeak autonomia erdiestea eta, hortik aurrera, talde-gizon gisa finkatzea berdintasunezko ikuspegi ez sexistatik.
Modu horretan, gure asmoa da elkarrekin harremanetan lan egiten duten gizon-taldeen sare bat sustatzea.
Aita diren gizonentzako jarduerak
AITALAGUNA
https://www.facebook.com/aitalaguna/
“Aitatasun kontziente eta ez sexista, aita direnen gizonen taldea eta foro birtuala”
Proiektuaren helburua da aita diren gizonak jabetzea haien seme-alaben heziketaren baitako genero-eraikuntzaz, rolen transmisioaz eta estereotipoez.
Maskulinitateekin, gizonekin eta zainketarekin zerikusia duten esperientzia, kezkak, hausnarketak…partekatzeko gogoa duten gizonei zuzendutako elkarlaguntzarako topagune bat da.
AITALAGUNA, aitatasunaren gainean hilabetero biltzen diren gizon taldeak martxan jarri izan dira, Gazteizen eta Bilbon. Ahalegintzen ari gara Gipuzkoan ere bat martxan jartzeko.
Harremana Facebook-en eta web orri honetan: https://aitalaguna.wordpress.com/
Facebook-en bidez hasi da aitatasunari buruz eztabaidatzeko lekua, parte hartzeko gonbidatzen dizuegu: https://hr-hr.facebook.com/pg/aitalaguna/about/
Aitatasun berrirantz
San Inazio-Deustuko Modulu Psikosozialaren Emakumearen sailak “AITALAGUN” programa aurkezten du. Aita gazteei zuzenduta dago, eta bere helburua gizonen aldetik zaintza eta hazkuntza kultura, berdintasunean oinarrituta dagoen hezkuntza, tratu onak harremanetan, bortizkeriarik gabeko komunikazioa, eta erantzunkidetasuna sustatzea da.
Gehiago jakin nahi duzu? Klikatu Aitalaguna edo idatzi modulo.pipert.proiektuak@gmail.com helbidera
Berdintasunantz Gizonok eta Maskulinitate Berriak
-24 irudi berri jendarte berri baten alde-
Bilboko Deustu-San Inazioko Modulu Psiko-sozialak, Piper Txuriak (Bilbo, Bizkaiko Foru Aldundiko sariduna) laguntzaz, argazki erakusketa hau eskaintzen du eta doanik da*, gizonek eta emakumeek berdintasunez eta begirunezharremanak izatearen alde gure jendartea egiten ari den ahaleginari gure ekarpena egiteko asmoz. Xedea dugu gai hauetaz populazioa sentsibilizatzea, gogoeta eragitea.
Erakusketa 24 panelez osatua da eta haietan agertzen diren irudietan honako gaiak islatzen dira: berdintasuna, erantzukidetasuna, emakumearen aurkako indarkeriarik eza, jabekuntza, gizonen arteko afektibitatea, etab. Irudion ondoan, haiek aberasteko eta kokatzeko esaldiak agertzen dira. Honetaz gain, iaz eta aurten egin ditugun hormako egutegiak (2013 eta 2012) ere azaltzen dira, haiek izan baitira erakusketako argazki materialaren oinarria.
Erakusketa aldi baterako da (30 egunerako gehienez) eta izaera ibiltaria du, erakundeek erabil dezaten.
Honela, antolatzaileok zirrikitu bat zabaldu nahi diegu gizon izateko eredu nagusiarekin bat ez datozen gizonei, baita andrazkoen aurkako bazterkeria eta indarkeria amai arazi nahi dituztenei ere. Bide nabar, gai hauetaz inoiz hausnartu ez direnengana ere heldu nahi dugu, hausnarketa egiteko gogoa pizteko. Azkenik, emakumeengana ere iritsi nahi dugu, geure aitzatespena adierazteko. Argi izpi bat izan nahi dugu gizarte berria eraikitzeko bidean, non sexismorik eta desberdintasunik izango ez den, non gizonezkook pertsona izateko nahi dugun erak aukeran izango ditugun.
ARGAZKIAK PDF: hemen
KONTAKTUA: modulo.pipert.proiektuak@gmail.com
ARGAZKIAK: Guillermo Casas www.guillermocasas.com
ERAKUSKETA SUSTATZEKO BIDEOA: BIDEO-ERAKUSKETA
